Ֆուտբոլի Հայաստանի բարձրագույն խմբի 22-րդ տուրի վերջին խաղում Գյումրիի «Շիրակը» սեփական դաշտում նվազագույն 1:0 հաշվով հաղթեց Երեւանի «Բանանցին»: Միակ գոլը 39-րդ րոպեին խփեց տանտերերի սերբ պաշտպան Իգոր Ստանոեւիչը:
Այս հաղթանակից հետո «Շիրակը» վաստակեց 37 միավոր եւ հավասարվեց առաջին տեղում ընթացող Երեւանի «Ալաշկերտին»: «Բանանցը», որը հաղթանակ էր տարել նախորդ երկու խաղերում եւ ընդհուպ մոտեցել էր առաջատարներին, երկրորդ պարտությունը կրեց առաջնության գարնանային հատվածում եւ նույն 33 միավորով մնաց 4-րդ հորիզոնականում:
