Մայիսի 9-ին տեղի ունեցած համայնքային միջոցառումը Լոս Անջելեսում հայությանը ոչ միայն համախմբեց Հաղթանակի օրվա շուրջ, այլ դարձավ հարթակ՝ խոսելու Հայաստանի ներկա վիճակի և համահայկական ընկերակցության կարևորության մասին։ Միջոցառման ընթացքում Արման Գասպարյանը հանդես եկավ ընդգծված ուղերձով՝ անդրադառնալով Հայաստանի ներկայիս քաղաքական ճգնաժամին, արտաքին ճնշումներին և այդ ամենից բխող ռիսկերին։ Նա ներկայացրեց իր գնահատականները այն գործընթացների մասին, որոնք ըստ նրա, վտանգում են պետականությունը, և կարևորեց համազգային գործողությունների անհրաժեշտությունը՝ միասնության, կազմակերպվածության և տեղեկատվական արթնության տեսանկյունից։ Գասպարյանը խոսեց նաև առաջիկա քայլերի, համայնքային մասնակցության և համահայկական համախմբման կարևորության մասին՝ ընդգծելով, որ այսօրվա մարտահրավերները պահանջում են սթափություն և միասնական մոտեցում։ Միջոցառումը, որն անցավ ակտիվ մասնակցությամբ, ևս մեկ անգամ ցույց տվեց, որ Մայիսի 9-ը հայության համար ոչ միայն պատմական հիշողություն է, այլ նաև ներկայիս պայքարի խորհրդանիշ՝ անկախության, ինքնիշխանության և ազգային իրավունքների պաշտպանության ճանապարհին։
Աղբյուր – armrus.news
