Hraparak.am կայքում տեղեկություն է տարածվել այն մասին, թե իբր Երեւանի քաղաքապետի տեղակալ Հայկ Սարգսյանն «անցնում է» փետրվարի 5-ին հայտնի դարձած՝ Քաղաքաշինության պետական կոմիտեի ղեկավար Վահագն Վերմիշյանին մեղսագրվող կաշառք ստանալու քրեական գործով:
Թեեւ կայքի լրագրողի հետ հեռախոսազրույցում Հայկ Սարգսյանն անձամբ հերքել է այս բամբասանքը, այնուհանդերձ, ապատեղեկատվությունը տարածվել է լրատվամիջոցով:
Կրկին հայտնում ենք, որ քաղաքապետի տեղակալ Հայկ Սարգսյանը որեւէ քրեական գործի, առավելեւս, «Վահագն Վերմիշյանի» գործի հետ առնչություն չունի որեւէ կարգավիճակով: Տեղեկացնում ենք նաեւ, որ, հակառակ հիշյալ նյութում առկա տեղեկության, Հայկ Սարգսյանը չի համակարգում կամ չի վերահսկում շինարարության ոլորտը:
Քաղաքապետի տեղակալի անվան արծարծումը նմանատիպ նյութերի տարածման մեջ համարում ենք քաղաքային իշխանության եւ քաղաքապետի տեղակալի անձի պատվի, արժանապատվության եւ գործարար համբավի արատավորման փորձ:
Հորդորում ենք լրատվամիջոցներին չտարածել ապատեղեկատվություն պարունակող նյութեր, իսկ «Հրապարակ» օրաթերթին առաջարկում ենք համարժեք հերքում հրապարակել՝ համաձայն «Զանգվածային լրատվության մասին» ՀՀ օրենքի 8-րդ հոդվածի պահանջների:
https://www.facebook.com/Yerevanofficial/photos/a.1873678022681319/2653129594736154/?type=3&__xts__%5B0%5D=68.ARBUlZl46y_eN2jfAmSHCz1qzUuy7XulRpcJo-jv4WGCV6jyV49hRglX4zMCimf-hXPGqYnz9i7AIk0ccBxK5Vq6pzLXuRIlHePM3QmXI4Zt-pwfNAphFF75BMEQRsC9JuEUtSKI21MGYntNWU-vJbJMZU5HffxAPFV0Bd1dOVxQ3FJ2eqP6WRZS7vmhwWU2PcFPIqEdDhu0JG8D1O5ySGmk-DdAu9Ubzvsvw35y3iqhyfyPp0UZ0N7HUtmLDXBsbitqxNjp0eedGCiTwNuOSJUVBqLAF8IpHTZ2U29WDfeJ3o9bOtUUclSc5cahsC3PVc3H__XMt_EH-NZPFWJJuE96lURM40RcDy-SnbEFG_8-MfebexZBFl53cw&__tn__=-R
Հայերեն
English
Русский