Հարգելի՛ հայրենակիցներ
Երեխաների պաշտպանության միջազգային օրվա առթիվ հղում եմ ջերմագին շնորհավորանքներս բոլորին՝ անկախ տարիքից: Բարեկեցիկ ու արժանապատիվ ապագա կառուցելու պետական քաղաքականության և յուրաքանչյուրիս անհատական ու բոլորիս հավաքական ջանքերի առանցքն առաջին հերթին մեր երեխաների վաղվա օրն ավելի լուսավոր ու պայծառ դարձնելն է, նրանց իրավունքների պատշաճ երաշխավորման պայմաններում առողջ, զարգացած ու ստեղծարար սերունդ դաստիարակելն է:
Պետությունը վստահաբար շարունակելու և ընդլայնելու է կրթական, առողջապահական և սոցիալական բոլոր այն ծրագրերը, որոնք իրենց նպաստն են բերելու առողջ ու զարգացած սերունդ ունենալու և այն ազգային արժեհամակարգով դաստիարակելու գործին: Մեր երեխաների անվտանգ ու երջանիկ մանկության իրավունքի իրացումը պետության առաջնահերթ պարտականությունների թվում է, և իշխանությունների կողմից արվելու է առավելագույնն այն հավուր պատշաճի իրականացնելու համար:
Սիրելի՛ երեխաներ
Տարվա յուրաքանչյուր օր ձերն է, մեր յուրաքանչյուր հույս ու ջանք ուղղված է հենց ձեզ: Մաղթում եմ ձեզ ընտանեկան ջերմություն, անհոգ մանկություն, խաղաղ երկինք և կրթական ու ստեղծագործական շարունակական հաջողություններ:
Բարին ընդ ձեզ:
https://www.facebook.com/ArayikHarutyunian/photos/a.177887032908678/538476003516444/?type=3&__xts__%5B0%5D=68.ARCQ7oxIgcX3ZXBx09n6panZFCYXPiBm8BP1At_c8NimhXxUhfvMCK-lC0H1YeMjce1YejJXHrRQzwlY0_46Vat5X_wYCAjm633MhI16FgamyDA_VNW0wHl-j1xxUku-ctZh6NUKjyIL6X90ad_YXVrIXHrLQUxGRkACsCz1z-91nRh8hh91MpzDKYxoWP8oELL_J-O4cBWxu8kHD9UJDCp4NrS0u2eVPVIAR_vuMDfIJm93q1gMAdofPN5nQJQ3YVyO3cnX247hCpYndR2_Z350jLNzCFHF2bAcybXw6iVJtZA7A_k5ZA7elqWoPyrqLLBuviUVkFqUKteOP7wI7g8snI0VPOg8cUGHluBqobW9RU9I_ltCKQ&__tn__=-R
