Հասարակական հնչեղություն ստացած պատմության ֆոնին, որտեղ երիտասարդ մոդել Մանե Ավետյանը պատմում է հետապնդումների և բռնության փորձի մասին, արձագանքել է նաև Լիլիթ Կարապետյանը՝ Կարեն Կարապետյանի կինը։
Նրա խոսքով՝ լրատվամիջոցներում և սոցիալական ցանցերում շրջանառվող տեղեկությունները, ըստ որոնց Մանե Ավետյանի և Կարեն Կարապետյանի միջև կարող էր լինել կապ կամ բռնության փորձ, իրականությանը չեն համապատասխանում։
«Սա հորինված պատմություն է։ Ես հերքում եմ տարածված տեղեկությունները։ Մեր ընտանիքը որևէ առնչություն չունի նման պատմությունների հետ, սա ուղղակի սադրանք է մեր պատիվը գցելու համար», – նշել է Լիլիթ Կարապետյանը։
Նա հավելել է, որ իրենք պատրաստվում են դիմել իրավական միջոցների՝ կեղծ լուրեր տարածող անձանց և հարթակների նկատմամբ,։
Միևնույն ժամանակ, իրավապաշտպանները շեշտում են, որ ցանկացած նմանատիպ մեղադրանք պետք է քննվի իրավական դաշտում, որպեսզի հասարակությունը ստանա հավաստի տեղեկատվություն։
