Այսօր ԱԻՆ հրշեջ ծառայությունից տեղեկություն է ստացվել, որ հրդեհ է բռնկվել Աբովյան քաղաքի Սարալանջի 13 շենքում գտնվող բնակարաններից մեկում ։ Ահազանգը փրկարար ծառայությունը ստացել է շենքի բնակիչներից, որոնք դրսից նկատել են ծուխը։
Դեպքի վայր է ուղարկվել երկու մարտական հաշվարկ։ Արագ և համակարգված աշխատանքի շնորհիվ հրշեջներին հաջողվել է կրակը տեղայնացնել և կանխել հետագա տարածումը։ Մասնակիորեն վնասվել են բնակարանի հյուրասենյակը և կողքի գտնվող երկու բնակարանների հարակից պատուհանները։
Մեր թղթակցն այսօր եղել էնշված հասցեում, զրուցել ականատեսների ու հարևանների հետ և պարզել , որ այրված բնակարանի սեփականատերը «Միասնական Հայաստան» հասարակական կազմակերպության նախագահ Վահան Կոստանդյանն է։
Հարևանների հետ զրույցում մեր թղթակիցը պարզել էր, որ հրդեհին նախորդող մի քանի օրերին ոստիկանությունը պարբերաբար այցելել է Կոստանդյանի հասցեով ու հարցուփորձ են արել նրա գտնվելու վայրի մասին։ տեղեկանալով, որ բնակարանում ոչ ոք չի ապրում , նույնիսկ փորձել էին դուռը բացել և ներխուժել բնակարան։ Սակայն հարևանները թույլ չեն տվել, պահանջել են որոշում ցույց տալը, որը թույլ կտա նրանց առանց տան տիրոջ իրազեկման մուտք գործել բնակարան, ինչից հետո ոստիկանները հեռացել են։ Նրանց համար տարօրնակ է եղել, որ ոստիկանների հեռանալուց 20 րոպե անց բնակարանում հրդեհ է բռնկվել։
Շենքում խոսակցություն է տարածված, որ ոստիկանները ինչ որ ձևով կապ ունեն բնակարանում հրդեհի հետ։
Մենք փորձել ենք Ոստիկանության Աբովյանի բաժնից տեղեկություն ստանալ դեպքի վերաբերյալ և ճշտել, արդյոք պարզվել է հրդեհի պատճառը և ինչպես են վերաբերվում վարկածին, որ բնակարանը միտումնավոր է հրդեհվել։ Ոստիկանությունից որևէ հստակ պատասխան առայժմ չի հաջողվել ստանալ։
