Երևանի Ավետիսյան փողոցի շենքի բնակիչներից ահազանգ է ստացվել ոստիկանություն, հունիսի 7-ի երեկոյան ժամը 20:00-ից 21:00-ի միջակայքում։ Ըստ հարևանների՝ Ա. Համբարձումյանի բնակարանում արձանագրվել է բարձրաձայն վեճ և բռնություն։
Վկաների խոսքով՝ վեճին մասնակցել է հայտնի թաղային հեղինակություն՝ Էդգար Եղիկյանը, առավել հայտնի որպես «Եղո», ով բռնություն է կիրառել իր զոքանչի՝ Անահիտ Համբարձումյանի նկատմամբ։ Վերջինս հոսպիտալացվել է։ Տեղեկություններ կան, որ Եղիկյանի նախկին կինը և դուստրը փախել են ԱՄՆ՝ երկար տարիների ընտանեկան բռնություններից խուսափելու նպատակով։
Հայտնի է դարձել, որ Եղիկյանը բաժին է տարվել, սակայն կարճ ժամանակ անց ազատ է արձակվել։ Ըստ վկաների՝ նրան բաժնից դուրս է բերել ԱԺ պատգամավոր Հայկ Սարգսյանը, որի մեքենայով էլ Եղիկյանը հեռացել է բաժնից։
Այս պահի դրությամբ դեպքի առթիվ որևէ քրեական գործ չի հարուցվել։ Ըստ որոշ բնակիչների՝ զոհի ընտանիքի անդամները պաշտպանել են ԼԳԲՏ փոքրամասնությունների իրավունքները, ինչը դարձել է լրացուցիչ թիրախավորման պատճառ՝ համայնքի որոշ հատվածների համար։
Համայնքում շրջանառվող տեղեկություններով՝ Եղիկյանի անունը կապվում է Կենտրոն վարչական շրջանը «նայելու» կարգավիճակով նշանակման հնարավորության հետ, և այս միջադեպը կարող է լուրջ ազդեցություն ունենալ նրա դիրքի վրա քրեական ենթամշակույթի շրջանակներում։
