Սաուդյան Արաբիան հինգշաբթի օրը դատապարտել է Գազայի եկեղեցու վրա կատարած Իսրայելի հարվածը՝ դատապարտելով Իսրայելի հարձակումները քաղաքացիական անձանց և պաշտամունքային վայրերի վրա, հաղորդում է Al Arabiya-ն։
«Տարածաշրջանում այս կրկնվող հարձակումները պահանջում են լուրջ միջազգային դիրքորոշում՝ վերջ դնելու համար իսրայելական օկուպացիայի հանցագործություններին, որոնք սպառնում են տարածաշրջանային անվտանգությանն ու կայունությանը», — ասված է Սաուդյան Արաբիայի ԱԳՆ-ի հայտարարության մեջ։
Թագավորությունը միջազգային հանրությանը, մասնավորապես՝ ՄԱԿ-ի Անվտանգության խորհրդին կոչ է արել պատասխանատվության ենթարկել Իսրայելին և այդ խախտումների համար պատասխանատվության միջազգային մեխանիզմներ ներդնել։
Երուսաղեմի Լատինական պատրիարքության տվյալներով՝ հրետակոծության հետևանքով զոհվել է 3 մարդ։
