Ադրբեջանի նախագահ Իլհամ Ալիևին նվիրել են Ուկրաինայի զինված ուժերի տարբերանշաններ, ինչից հետո նա շնորհակալություն է հայտնել և ասել՝ «շարունակեք նույն կերպ գործել», հաղորդում է РБК-Украина-ն՝ հղում անելով Օլենա Կուրբանովայի Telegram ալիքին։
Մասնավորապես, սոցիալական ցանցերում տարածվել է տեսանյութ, որտեղ ուկրաինացի լրագրողուհի Օլենա Կուրբանովան Ալիևին է փոխանցում Ուկրաինայի զինված ուժերի ստորաբաժանումների տարբերանշանները։
«Ամենաթանկը՝ մեր պաշտպանների տարբերանշաններն են։ Քանի որ մեր բանակը Ուկրաինայի անվտանգության միակ երաշխիքն է», – ասել է Կուրբանովան՝ նվերը փոխանցելիս։
Ալիևը ընդունել է նվերը և շնորհակալություն հայտնել։
«Շատ շնորհակալ եմ։ Շնորհակալ եմ այն ամենի համար, ինչ դուք անում եք։ Շարունակեք նույն կերպ», – ասել է նա։
