Սենատի մեծամասնության առաջնորդ, Հարավային Կարոլինայից հանրապետական Ջոն Թունն այսօր հայտարարել է, որ Թրամփի վարչակազմը պետք է անի հնարավոր ամեն ինչ՝ Գազայի հումանիտար ճգնաժամը մեղմելու համար, ներառյալ՝ օգնի սովամահության եզրին հասած երեխաներին, հաղորդում է NBC News-ը։
«Կարծում եմ՝ մենք պետք է անենք ամեն ինչ, որպեսզի օգնության ձեռք մեկնենք։ Գիտեմ, որ այլ երկրներ, դրանց թվում՝ Իսրայելը, փորձում են բավարարել Գազայի պարենային կարիքները»,- նշել է Թունը, երբ նրան հարցրել են՝ արդյոք վարչակազմը պետք է ավելին անի ճգնաժամը հաղթահարելու համար։
«Ցավոք, կան շատ վատ խաղացողներ, որոնք խանգարում են դրան։ Բայց այո, Միացյալ Նահանգները պետք է փորձի դրական ուժ դառնալ այդ հարցում»,- հավելել է նա։
