Իսպանիայի հարավ-արևելյան Խումիլյա քաղաքն ընդունել է իր տեսակի մեջ առաջին օրենքը, որն մահմեդականներին արգելում է օգտագործել հանրային շենքերն ու տարածքները՝ Իդ ալ-Ֆիտր (Ուրազա բայրամ) և Իդ ալ-Ադհի (Կուրբան բայրամ) տոների համար։
Որոշումն ընդունվել է պահպանողական Ժողովրդական կուսակցության նախաձեռնությամբ և ծայրահեղ աջ Vox կուսակցության լուռ համաձայնությամբ, որը ձեռնպահ է մնացել քվեարկությունից, բայց ավելի ուշ ողջունել է որոշումը՝ հայտարարելով, որ «Իսպանիան կա և մնում է քրիստոնեական երկիր», հաղորդում է Euronews-ը։
Բանաձևն արգելում է քաղաքային և մարզական հաստատությունների օգտագործումը կրոնական, մշակութային կամ սոցիալական միջոցառումների համար, որոնք «չեն արտացոլում քաղաքի ինքնությունը», եթե դրանք տեղական իշխանությունները չեն կազմակերպում։
Մահմեդական կազմակերպությունները դատապարտել են որոշումը՝ այն անվանելով կրոնական ազատության կոպիտ խախտում։ Իսպանիայի իսլամական միությունների ֆեդերացիայի ղեկավարն ասել է. «Նրանք թիրախավորում են ոչ թե այլ կրոններ, այլ հենց մերը։ <…> Մենք զարմացած ենք Իսպանիայում տեղի ունեցողից։ 30 տարվա ընթացքում առաջին անգամ ես վախ եմ զգում»։
Ջումիլյայի 27 հազար բնակիչներից մահմեդականները կազմում են մոտ 7,5%: Դիտորդները սպասում են, որ որոշումը կբողոքարկվի դատարանում՝ ըստ Իսպանիայի սահմանադրության 17-րդ հոդվածի, որը թույլ է տալիս կրոնական ազատության սահմանափակումներ միայն հասարակական կարգի պահպանմանն առնչվող պատճառներով։
Ջումիլյայի նախկին քաղաքապետ Խուանա Գվարդիոլան հիշեցրել է, որ մահմեդականները քաղաքում ապրել են դարեր շարունակ, և «ինքնության» մասին հղումները՝ միայն քրիստոնեության ակնարկով, զարմանալի են։
Ջումիլյան հայտնի է Հռոմեական կայսրության ժամանակներից, իսկ 8-րդ դարում այն անցել է արաբների տիրապետության տակ և դարեր շարունակ մնացել է հիմնականում արաբական քաղաք: 13-րդ դարի կեսին քաղաքը գրավվել են Կաստիլիայի թագավոր Ալֆոնսո X-ի զորքերը:
