Washington Post-ը գրում է, որ ծանոթացել է երեք բաժինների նախագծերին: Ինչպես պարզել է պարբերականը, Պետքարտուղարությունը դեռևս քննադատաբար է մոտենում Ռուսաստանում, Իսրայելում և Սալվադորում մարդու իրավունքների վիճակին, սակայն այդ վերլուծության ընդհանուր տոնը փոխվել է, և մասնավորապես, զեկույցի այս բաժիններից մարդու իրավունքների խախտումների և ԼԳԲՏ համայնքի անդամների իրավունքների խախտումների մասին հղումները անհետացել են:
Կիֆեր Բեքինգհեմը, որը նախորդ վարչակազմի ժամանակ աշխատել է այդ հարցերի վրա Պետքարտուղարությունում, պարբերականին հայտնել է, որ Ռուսաստանի դեպքում դա «աղաղակող բացթողում» է, հաղորդում է BBC-ն:
Նոր զեկույցում Իսրայելին հատկացվելու է 25 էջ: Անցյալ տարի դրանք 100-ն էին: Մինչդեռ նախագահ Բայդենի օրոք Պետքարտուղարությունն իր զեկույցում գրել է վարչապետ Բենիամին Նեթանյահուի դեմ կոռուպցիայի մեղադրանքների, Իսրայելի դատարանների անկախության համար հնարավոր սպառնալիքի և պաղեստինցիների հսկողության մասին, նոր զեկույցի նախագիծը, ինչպես գրում է Washington Post-ը, այդ ամենը չի պարունակում:
