ԱՄՆ նախագահը հետաքրքրված է մարիխուանան ավելի պակաս վտանգավոր թմրամիջոցների շարքին դասելու հարցում։ Այս մասին Դոնալդ Թրամփը հայտարարել է օգոստոսի սկզբին Նյու Ջերսիի իր գոլֆի ակումբում կայացած բարեգործական ընթրիքի ժամանակ, հայտնում է The Wall Street Journal թերթը՝ հղում անելով իր աղբյուրներին։
WSJ-ի զրուցակիցների խոսքով, սեղանի շուրջ մեկ տեղն արժեցել է 1 միլիոն դոլար, իսկ հյուրերի թվում է եղել նաև կանեփի խոշորագույն արտադրողներից մեկի՝ Trulieve ընկերության գլխավոր տնօրեն Քիմ Ռիվերսը։
Նա, ի թիվս այլ հարցերի, Թրամփին կոչ է արել ընդլայնել դրա բժշկական կիրառման ոլորտում հետազոտությունները, հայտնում է DW-ն։.
