Ռուսաստանի Լենինգրադի մարզում անօդաչու թռչող սարքերի հարձակման հետևանքով հրդեհ է բռնկվել НОВАТЭК-ի տերմինալում, իր Telegram-ալիքում հայտնել է նահանգապետ Ալեքսանդր Դրոզդենկոն։
«НОВАТЭК» ընկերության գործունեության ոլորտներն են հեղուկ գազի և ածխաջրածնի հետախուզումը, արդյունահանումը, վերամշակումն ու իրացումը։
Ըստ Դրոզդենկոյի, այսօր առավոտյան՝ օգոստոսի 24-ին, Ուստ-Լուգա նավահանգստի երկնքում ոչնչացվել է 10 անօդաչու թռչող սարք։
НОВАТЭК-ի տերմինալում հրդեհի պատճառ է դարձել ԱԹՍ-ի բեկորների անկումը։
«Հրդեհաշիջման աշխատանքներում ներգրավված են հրշեջներն ու ԱԻՆ-ը։ Նախնական տվյալներով՝ տուժածներ չկան»,- հավելել է Դրոզդովը։
«Ռոսավիացիան» իր հերթին հայտնում է, որ Սանկտ Պետերբուրգի «Պուլկովո» օդանավակայանը ժամանակավորապես դադարեցրել էր աշխատանքը օգոստոսի 23-ի՝ Երևանի ժամանակով 22:00-ից մինչև օգոստոսի 24-ի՝ Երևանի ժամանակով 05:00-ն։
