Ուկրաինայի նախագահ Զելենսկին ասել է, որ Մոսկվայի կողմից «հետագա չզավթելու պատրաստակամության» մասին ոչ մի հայտարարություն չի կարող զիջում համարվել։
Նրա խոսքով՝ Ռուսաստանը շարունակում է նոր պատրվակներ փնտրել պատերազմը չդադարեցնելու համար՝ անտեսելով ԱՄՆ-ի և Ուկրաինայի նախաձեռնությունները՝ կրակը դադարեցնելու վերաբերյալ։
Զելենսկին ընդգծել է, որ Կիևը բազմիցս աջակցել է հրադադարի և առանց որևէ պայմանի բանակցությունների առաջարկներին, այդ թվում՝ ԱՄՆ-ի և Ռուսաստանի հետ եռակողմ հանդիպման տարբերակին։ Սակայն Մոսկվան ամեն անգամ հրաժարվել է՝ նոր պատճառներ առաջ քաշելով։
Նա նշել է, որ քննարկել է իրավիճակը Թրամփի հետ՝ ընդգծելով Վաշինգտոնի կողմից «ուժեղ քայլերի» անհրաժեշտությունը, եթե Կրեմլը շարունակի խուսափել բանակցություններից։
