Անցյալ շաբաթ Սպիտակ տանը եվրոպացի քաղաքական գործիչների հետ հանդիպման ժամանակ ԱՄՆ նախագահ Դոնալդ Թրամփը բարձրաձայնել է Ուկրաինայում չինացի խաղաղապահներ տեղակայելու գաղափարը՝ հակամարտությունը կարգավորելու համար: Տեղեկությունը հայտնել է Financial Times-ը՝ վկայակոչելով աղբյուրներին:
Ըստ պարբերականի՝ նախաձեռնությունն աջակցություն չի ստացել ո՛չ Կիևում, ո՛չ էլ եվրոպական երկրներում, որոնք մեղադրում են Չինաստանին ռուսական պաշտպանական արդյունաբերությանն օգնելու մեջ:
Թրամփի վարչակազմի ներկայացուցիչը, մեկնաբանելով հրապարակումը, հայտարարել է, որ չինացի խաղաղապահներ ուղարկելու վերաբերյալ քննարկումների մասին հաղորդագրությունները «իրականությանը չեն համապատասխանում»:
