Ֆլորիդայում հինգ տարեկան աղջնակին տեղափոխել են հիվանդանոց, երբ նրան ներքաշել է տեղատարափի կոյուղու մեջ: Պատահարի մասին հայտնել է WWSB հեռուստակայանը (40-րդ ալիք):
Ըստ լրատվամիջոցի հաղորդագրության՝ երեխան խաղում էր դրսում, երբ մոտակայքում ջրատար խողովակի պայթյուն է տեղի ունեցել: Ջրի ուժեղ հոսքն անցք է առաջացրել ասֆալտի վրա, ողողել է ճանապարհը և աղջկան քաշել կոյուղի: Հարևանները փրկարարներ են կանչել, որոնք հասցրել են երեխային դուրս բերել:
Ջրապտույտն աղջնակին քաշել-տարել էր մոտ 90 մետր: Ներկայում նրա վիճակը ծանր է գնահատվում: Տեղական իշխանությունները հետաքննում են միջադեպը՝ փորձելով պարզել խողովակի պայթելու պատճառները և երեխայի՝ փողոցում առանց վերահսկողության մնալու հանգամանքները:
