Արտակարգ ծառայությունների տվյալներով՝ Պորտուգալիայի մայրաքաղաք Լիսաբոնում հայտնի ֆունիկուլյորի դուրս գալու հետևանքով առնվազն երեք մարդ զոհվել է, 20-ը՝ վիրավորվել, հայտնել է BBC News-ը։
Տեղական լրատվամիջոցները հայտնում են, որ ինը մարդ ծանր վիճակում է։ Հայտնի չէ՝ մահացածները Պորտուգալիայի քաղաքացիներ էին, թե՞ օտարերկրացիներ, ինչպես նաև պարզ չէ, թե քանի մարդ է եղել ներսում՝ վթարի պահին։
Դեպքը տեղի է ունեցել տեղական ժամանակով 18:05-ին՝ Ավենիդա դա Լիբերդադեի մոտակայքում։
Դեպքի վայրում են գտնվում արտակարգ ծառայության վաթսուներկու աշխատակիցներ և 22 միավոր տեխնիկա։
Իշխանությունները նշում են, որ դեռ վաղ է միջադեպի պատճառը պարզելու համար, սակայն Պորտուգալիայի Observador պարբերականը հայտնել է, որ ռելսերի վրա մալուխը կտրվել է, ինչի հետևանքով ֆունիկուլյորը կորցրել է կառավարումը և բախվել մոտակա շենքին։
