Սլովակիան զինվորներ չի ուղարկի Ուկրաինա, բայց լոգիստիկ օգնություն կցուցաբերի այս երկրին միջազգային անվտանգության երաշխիքներ տրամադրելու հարցում։ Այս մասին հայտարարել է հանրապետության վարչապետ Ռոբերտ Ֆիցոն՝ ելույթ ունենալով սլովակյան ռադիոյի «Շաբաթօրյա երկխոսություններ» հաղորդման ժամանակ, հաղորդում է ՏԱՍՍ-ը։
«Սլովակիան իր զինվորներից ոչ մեկին չի տեղակայի Ուկրաինայի տարածքում։ Մյուս կողմից, սակայն, Սլովակիան կարևոր երկիր է լոգիստիկայի առումով։ [Ուկրաինայի] անվտանգության երաշխիքների վերաբերյալ համաձայնագրի դեպքում մենք կկարողանանք օգնել։ Մենք պատրաստ ենք [դրան]», — նշել է վարչապետը։
Սլովակիան, ինչպես հետևում է Ֆիցոյի հայտարարությունից, Ուկրաինայի անվտանգության երաշխավոր երկրներին հնարավորություն կտա օգտվել իր տրանսպորտային ենթակառուցվածքներից։
Նրա խոսքով, դա տեղի կունենա միայն այն դեպքում, եթե Ուկրաինայի համար միջազգային անվտանգության երաշխիքների վերաբերյալ համաձայնագիր կնքվի։
