Կալիֆոռնիայում նույնիսկ վեցանիշ եկամուտն այլևս բարեկեցություն չի երաշխավորում: Նահանգի բնակարանային դեպարտամենտի տվյալներով՝ Լոս Անջելեսում տարեկան 84 հազար 850 դոլարից ցածր եկամուտ ունեցող միայնակ անձը այժմ չքավոր է համարվում: Երեք հոգանոց ընտանիքի համար շեմը սահմանվել է 109 հազար 50 դոլար:
Պատճառը բնակարանային և ընդհանուր առմամբ կյանքի չափազանց բարձր արժեքն է: Վերջին 12 տարիների ընթացքում Լոս Անջելեսում անհետացել է մոտ 200 հազար բնակարան, որոնց վարձավճարը կազմում է 1000 դոլարից ցածր, և տարածաշրջանում տան միջին գինը գերազանցում է 1 միլիոն դոլարը, գրում է գորմանական Bild պարբերականը: Նմանատիպ իրավիճակ է նկատվում նաև Սան Դիեգոյի, Օրինջ և Սանտա Բարբարայի շրջաններում, որտեղ «ցածր եկամտի» շեմը բարձրացել է մինչև տարեկան 92 հազարից մինչև 98 հազար դոլար:
Ամերիկացի ֆինանսական վերլուծաբանները նշում են, որ նախկինում հաջողության խորհրդանիշ համարվող 100 հազար դոլարի գումարն այսօր ԱՄՆ շատ խոշոր քաղաքներում այլևս չի ծածկում հիմնական ծախսերը։ Երկրի 100 խոշորագույն մետրոպոլիտենային տարածքներից 25-ում եկամտի նման մակարդակը բավարար չէ նույնիսկ հիմնական կարիքները հոգալու համար։
