Օդագնացության և տիեզերական տարածության հետազոտությունների ազգային գործակալությունն (NASA) արգելել է ԱՄՆ վիզա ունեցող Չինաստանի քաղաքացիներին աշխատել գործակալության տիեզերական ծրագրերում։ Որոշման մասին հայտնել է Bloomberg-ը։
Bloomberg-ի տվյալներով՝ նախկինում գործակալությունում աշխատելու արգելքը վերաբերում էր միայն ամերիկյան վիզա չունեցող Չինաստանի քաղաքացիներին, սակայն անցյալ շաբաթվանից NASA-ն արգելափակել է տվյալների բազաներին հասանելիությունը, ինչպես նաև հանդիպումներին մասնակցությունը ԱՄՆ վավեր վիզա ունեցող Չինաստանի քաղաքացիների համար։
«NASA-ն ներքին միջոցներ է ձեռնարկել Չինաստանի քաղաքացիների դեմ, որոնք ներառում են մեր կառույցներին, նյութերին և ցանցերին ֆիզիկական և կիբեր մուտքի սահմանափակում՝ նրանց աշխատանքի անվտանգությունն ապահովելու համար»,- Ըստ գործակալության՝ հայտարարել է մամուլի ծառայության ղեկավար Բեթանի Սթիվենսը։
NASA-ի ժամանակավոր ադմինիստրատոր Շոն Դաֆին բազմիցս հայտարարել է, որ NASA-ն հույս ունի տիեզերագնացներ իջեցնել Լուսնի վրա մինչև Դոնալդ Թրամփի նախագահության ավարտը՝ գերազանցելով Չինաստանին այդ նպատակին հասնելու համար։
