Շվեդիայի առաջատար պաշտպանական կապալառուներից մեկը՝ Saab ընկերությունը, առաջարկել է անօդաչու թռչող սարքերի դեմ պայքարի իր սեփական տարբերակը։ Nimbrix ծրագրի շրջանակում ընկերության մասնագետները մշակել են համեմատաբար էժան հրթիռ՝ Project Nimbrix Counter, որը նախատեսված է մինչև 5 կմ հեռավորության վրա փոքր անօդաչու թռչող սարքերի դեմ պայքարելու համար, ինչպես առանձին, այնպես էլ խմբերով։
Հրթիռը ունի 1 մետր երկարություն և կշռում է 2,5-ից 3 կգ, ինչը հնարավորություն է տալիս այն արձակել ուսից կամ մեքենայի վրա տեղադրված եռոտանուց, նշում է Техкульт-ը։ Նշանառումը կատարվում է ինֆրակարմիր գլխիկի և Saab Trackfire հեռակառավարման կայանի, C-UAS LOKE համակարգի կամ այլ կառավարման համակարգերի միջոցով։ Մեկ թիրախը կամ խումբը ոչնչացվում է 40 մմ բարձր պայթուցիկությամբ բեկորային մարտագլխիկի հեռակառավարմամբ պայթյունի միջոցով։
