Հակակոռուպցիոն դատարանը Գագիկ Ծառուկյանի և ընտանիքի դեմ ապօրինի գույքի բռնագանձման՝ Գլխավոր դատախազության կողմից 2023 թվականին ներկայացված հայացապահանջից մաս է առանձնացրել՝ հաշվի առնելով այն հանգամանքը, որ ՍԴ–ի որոշմամբ արձանագրված հանցավորության դեմ պայքարի նպատակի տեսանկյունից առկա չեն եղել հիմնավորումներ այն մասին, թե ինչպես են մինչև ենթադրյալ հանցագործության կատարումը ձեռքբերված գույքային միավորները և դրանց փոխակերպումները դիտարկվել ապօրինի։
Ըստ որոշման, Գագիկ Ծառուկյանը 2003 թվականի հունիսի 3-ից սկսած է հանդիսացել պետական պաշտոն զբաղեցնող անձ, հետևաբար հետևաբար մինչ այդ ձեռքբերված գույքերը չեն կարող 2023 թվականի նոյեմբերի 18-ին վարույթ ընդունված գործով հայցի առարկա լինել։
Ըստ DataLex տեղեկատվական համակարգում առկա տեղեկատվության, դատարանը որոշել է.
«Թիվ ՀԿԴ/0210/02/23 հակակոռուպցիոն քաղաքացիական գործից առանձին վարույթում առանձնացնել ՀՀ գլխավոր դատախազության հայցն ընդդեմ Գագիկ Կոլյայի Ծառուկյանի, Ջավահիր Ռաֆիկի Ծառուկյանի, Նվեր Գագիկի Ծառուկյանի, Արփի Բյուզանդի Ավետիսյանի, Հովհաննես Գագիկի Ծառուկյանի, Կոլիկ Վանուշի Ծառուկյանի, Ռոզա Լևոնի Ծառուկյանի, Ռոբերտ Արամի Մկրտչյանի, Տիգրան Սերյոժայի Մանուկյանի, Արմինե Մանվելի Մանուկյանի, Սեդրակ Գարիկի Առուստամյանի, Վարդիթեր Զավենի Խաչատրյանի, վեճի առարկայի նկատմամբ ինքնուրույն պահանջ չնեկայացնող երրորդ անձանց՝ «Հայաստանի ազգային օլիմպիական կոմիտե» ՀԿ, «Զվարթնոց Հենդլինգ» ՓԲ, «Օնիրա Քլաբ» ՍՊ, «Մուլտի ավտոտրանս» ՍՊ, «Գլոբալ Մոթորս» ՍՊ, «Արմբետոն» ՍՊ, «Մուլտի Մոթորս» ՍՊ, «Մեգամոթորս» ՍՊ, «Մուլտի Սիս» ՍՊ, «Մուլտի Ուելնես կենտրոն» ՍՊ, «Երևանի Արարատ Կոնյակի-Գինու-Օղու կոմբինատ» ԲԲ, «Շուստով առևտրի տուն» ՓԲ, «Մուլտի Ագրովեյ» ՍՊ, «Արտբեն» ՍՊ ընկերությունների և անհատ ձեռնարկատեր Աննա Մնացականի Բարսեղյանի՝ բացառությամբ հետևյալ պահանջների.
«Գագիկ Կոլյայի Ծառուկյանից և Ջավահիր Ռաֆիկի Ծառուկյանից (Առաքելյան) որպես ապօրինի ծագում ունեցող գույք հօգուտ Հայաստանի Հանրապետության բռնագանձել՝
— ——- բանալու համարի և ——- արխիվային կոդով Երևան քաղաքի Մոսկովյան փողոցի 31-րդ շենքի 28-րդ բնակարանը,
— ——- կադաստրային ծածկագրով Երևան քաղաքի Թումանյան փողոցի ——- -րդ հասցեի 260քմ մակերեսով տարածքը,
— ——- բանալիով (——- արխիվային կոդով) Երևան քաղաքի Թումանյան փողոցի ——- -րդ հասցեի 137քմ մակերեսով տարածքը,
— ——- կադաստրային ծածկագրով Երևան քաղաքի Թումանյան փողոցի ——- շենքի թիվ ——- բնակարանը,
— «ԱԲՈՎՅԱՆԻ ՉԱՓԻՉ-1» ԲԲ ընկերության (գրանցման համար՝ 11.130.01360, ՀՎՀՀ 03500997) 373.100 հատ բաժնետոմսը,
(…) Գագիկ Կոլյայի Ծառուկյանից հօգուտ Հայաստանի Հանրապետության բռնագանձել հետևյալ գույքերի ձեռքբերման արժեքները՝
— ——- մակնիշի ավտոմեքենա՝ 2.653.980 ՀՀ դրամ,
— ——- մակնիշի ավտոմեքենան՝ 4.228.961 ՀՀ դրամ,
— ——- մակնիշի ավտոմեքենա՝ 19.053.760 ՀՀ դրամ»։
2Առանձնացված վարույթով գործին շնորհել նոր համար և նշանակել նախնական դատական նիստ՝ գործի քննությունը շարունակելու համար»։
Ավելի վաղ, հայտնել էինք, որ Դատախազությունը ապօրինի գույքի բռնագանձման վերաբերյալ նոր հայցադիմում է ներկայացրել ընդդեմ «Բարգավաճ Հայաստան» կուսակցության առաջնորդ Գագիկ Ծառուկյանի, նրա ընտանիքի։ Սակայն ըստ էության, ոչ թե նոր հայցադիմում է ներկայացվել, այլ 2023 թվականին ներկայացված հայցադիմումից մաս է առանձնացվել։
