ԱՄՆ նախագահ Դոնալդ Թրամփը հայտարարել է, որ դեմոկրատներն առաջնորդ չունեն և ընդդիմադիր կուսակցությունը համեմատել է տարիներ շարունակ քաղաքացիական պատերազմի մեջ գտնվող աֆրիկյան Սոմալի պետության հետ։
«Ես զանգեր եմ ստանում դեմոկրատներից, որոնք ցանկանում են հանդիպել։ Ես երբեք նրանց անունները չեմ լսել, մինչդեռ նրանք իրենց առաջնորդներ են անվանում։ Դեմոկրատները առաջնորդ չունեն։ Նրանք ինձ հիշեցնում են Սոմալին»,- հայտարարել է նա Սպիտակ տանը լրագրողների հետ զրույցում։
Ավելի վաղ Ներկայացուցիչների պալատի դեմոկրատների առաջնորդ Հակիմ Ջեֆրիսը հայտարարել է, որ չնայած Թրամփի պնդումներին, իր կուսակցությունը կառավարության փակման դադարեցման վերաբերյալ Սպիտակ տան հետ որևէ շփում չի ունեցել։
