ԱՄՆ նախագահ Դոնալդ Թրամփը մեկնաբանել է առաջին նախագահական ժամկետի ընթացքում իր դեմ նախաձեռնված իմփիչմենթի գործընթացը։
Truth Social սոցիալական ցանցում նա գրել է․ «Ուկրաինական իմփիչմենթի (իմ!) խարդախությունը շատ ավելի մասշտաբային և անօրինական միստիֆիկացիա էր, քան Ուոթերգեյթը։ Ես անկեղծորեն հուսով եմ, որ համապատասխան մարմինները, ներառյալ ԿՈՆԳՐԵՍԸ, կքննեն դա։ Ադամ «Շիֆթի» Շիֆը չափազանց անազնիվ և կոռումպացված մարդ էր։ Շատ օրենքներ և ընթացակարգեր խախտվել են՝ ուղղակիորեն!!!»
Հիշեցնենք, որ Դոնալդ Թրամփը միակ ԱՄՆ նախագահն է, որի դեմ երկու անգամ իմփիչմենթ է նախաձեռնվել Ներկայացուցիչների պալատում, սակայն երկուսն էլ ձախողվել են Սենատում։
Առաջին իմփիչմենթը սկսվել է 2019 թվականին, երբ դեմոկրատները մեղադրել են Թրամփին՝ Ուկրաինային ռազմական օգնության տրամադրումը հետաձգելու և իր քաղաքական մրցակցի՝ Ջո Բայդենի որդու՝ Հանթեր Բայդենի դեմ հետաքննություն սկսելու պահանջ ներկայացնելու մեջ։
