ԱՄՆ նախագահ Դոնալդ Թրամփը գործարար Մարկ Սավայային նշանակել է Իրաքում ԱՄՆ նոր հատուկ բանագնաց։ Սավայան ծագումով իրաքցի է, տեղեկացրել է Rudaw media-ն։
Նա մեծացել է Միչիգանում։
«Սավայայի հորեղբայրը՝ Էսամ Սատամը, օգնել է նրան, երբ նա մոտ 16 տարեկան էր, գաղթել ԱՄՆ իր ընտանիքի հետ միասին՝ փրկվելով բռնությունից»,- նշել է Rudaw-ը։
«Ես խորապես շոյված եւ երախտապարտ եմ նախագահ Դոնալդ Թրամփին ինձ Իրաքի Հանրապետությունում հատուկ բանագնաց նշանակելու համար։ Ես հավատարիմ եմ ամերիկա-իրաքյան գործընկերությանը՝ նախագահ Թրամփի ղեկավարությամբ»,- գրել է Սավայան սոցցանցերում։
Rudaw-ի տեղեկացմամբ՝ նա քաղդեացի քրիստոնյա է եւ «Leaf and Bud ընկերության հիմնադիրը, որը մասնագիտացած է թմրախոտի աճեցման գործում՝ բժշկական եւ ռեկրեացիոն նպատակներով»։
