ԱՄՆ նախագահ Դոնալդ Թրամփը և Հարավային Կորեայի նախագահ Լի Չժե Մյոնգը չորեքշաբթի Հարավային Կորեայում անցկացված գագաթնաժողովում վերջնականապես համաձայնեցրել են իրենց բարդ առևտրային համաձայնագրի մանրամասները, իսկ ԱՄՆ նախագահը նաև լավատեսություն է հայտնել Չինաստանի նախագահ Սի Ծինպինի հետ առաջիկա գագաթնաժողովի վերաբերյալ, հաղորդում է Reuters-ը։
«Մենք կնքել ենք մեր համաձայնագիրը, ըստ էության, վերջնականապես համաձայնեցրել ենք այն»,- նշել է Թրամփը։
Նա հավելել է, որ լիովին կենտրոնացած է աշխարհի երկրորդ խոշորագույն տնտեսության առաջնորդ Սի Ծինպինի հետ հանդիպման վրա։
«Կարծում եմ՝ մենք իրականում շատ լավ արդյունքի ենք հասնելու մեր երկրի և աշխարհի համար»,- ասել է Թրամփը։
Նա հավելել է, որ ակնկալում է նվազեցնել չինական ներմուծման նկատմամբ ԱՄՆ սահմանած մաքսատուրքերը՝ Պեկինի կողմից ֆենտանիլի քիմիական նյութերի արտահանումը սահմանափակելու պարտավորության դիմաց։
Ըստ The Wall Street Journal-ի՝ չի բացառվում, որ ԱՄՆ-ը կիսով չափ լկրճատի չինական ապրանքների նկատմամբ ներկայում սահմանված 20% մաքսատուրքերը՝ ի պատասխան նման քիմիական նյութերի արտահանման։
Չինաստանի ԱԳՆ-ն հայտարարել է, որ երկու առաջնորդների հանդիպումը «նոր խթան կհաղորդի ԱՄՆ-Չինաստան հարաբերությունների զարգացմանը», և Պեկինը պատրաստ է համատեղ աշխատել «դրական արդյունքների» հասնելու համար։
