«ԵՄ-ն արդեն լայնածավալ պատժամիջոցներ է կիրառել Իրանի դեմ՝ մարդու իրավունքների խախտումների, միջուկային զենքի տարածման և Ուկրաինայում Ռուսաստանի պատերազմին աջակցելու համար։ Այսօր մենք անօդաչու թռչող սարքերի և հրթիռների ոլորտներում խիստ կարևոր տեխնոլոգիաների արտահանման հետագա արգելք ենք առաջարկում»,- սոցիալական ցանցերում գրել է Եվրոպական հանձնաժողովի նախագահ Ուրսուլա ֆոն դեր Լայենը։
«Եվրոպան իր լիակատար համերաշխություն է հայտնում Իրանի քաջարի կանանց և տղամարդկանց, ովքեր սեփական կյանքը վտանգում են՝ իրենց և ապագա սերունդների համար ազատություն պահանջելով»,- նշել է նա։
Նա հավելել է, որ ինքը և ԵՄ դիվանագիտության ղեկավար Կայա Կալլասը նոր պատժամիջոցներ են պատրաստում՝ «ցուցարարների նկատմամբ ռեժիմի շարունակական դաժան ճնշումներին ի պատասխան»։
