Սլովակիայի վարչապետ Ռոբերտ Ֆիցոն հայտնել է, որ ընդունում է Միրոսլավ Լայչակի հրաժարականը վարչապետի ազգային անվտանգության խորհրդականի պաշտոնից սեքսուալ հանցագործությունների մեջ մեղադրված ֆինանսիստ Ջեֆրի Էփշթեյնի հետ Լայչակի նամակագրության հրապարակումից հետո, գրել է Aktuality-ն։
Սլովակիայի վարչապետը նաեւ կրկին քննադատել է լրատվամիջոցներին Լայչակի շուրջ բարձրացված աղմուկի համար՝ նրանց կեղծավորներ անվանելով։ Նրա խոսքով՝ լրատվամիջոցների վերնագրերը նույնքան «ճոռոմ են, ասես խոսքը նախագահի հրաժարականի մասին է», այլ ոչ թե «վարչապետի խորհրդականներից մեկի»։
«Միրոն հերթական անգամ իրեն դրսեւորեց որպես մեծ դիվանագետ, եւ ես ընդունում եմ նրա առաջարկը համագործակցությունը դադարեցնելու մասին, թեեւ մենք բոլորս, ոչ միայն ես, կորցնում ենք դիվանագիտության եւ արտաքին քաղաքականության մեջ անհավանական փորձի աղբյուր։
Տարօրինակ է, որ լրատվամիջոցների, ընդդիմադիր եւ կառավարական կուսակցությունների նման սիմբիոզ չի առաջացել երիտասարդ Շիմեչեկի՝ ընդդիմության առաջնորդի ընտանիքում, որը գրանտների հետ կապված իր խարդախություններով՝ Սլովակիայի եւ Եվրամիության մակարդակով, մեր երկրի համար շատ ավելի մեծ հեղինակության ռիսկ է ներկայացնում, քան վարչապետի խորհրդականի սովորական պաշտոնը»,- ասել է Ֆիցոն Facebook սոցցանցի տեսաուղերձում։
