Ամերիկացի միլիարդատեր Իլոն Մասկը կրկին ամրապնդել է կապերը ԱՄՆ նախագահ Դոնալդ Թրամփի հետ՝ Հանրապետական կուսակցության քարոզարշավի հիմնադրամներին 10 միլիոն դոլար նվիրաբերելով, հաղորդում է Financial Times-ը՝ հղում անելով Դաշնային ընտրական հանձնաժողովի փաստաթղթերին։
Հունվարին Մասկը 5 միլիոն դոլար է նվիրաբերել Սենատի և Ներկայացուցիչների պալատի թեկնածուների համար նախատեսված հիմնական դրամահավաք հանձնաժողովներին։ Այս նվիրատվությունները 2026 թվականի միջանկյալ ընտրություններից առաջ հանրապետականներին ցուցաբերած նրա ավելի լայն աջակցության մի մասն են և վկայում են կուսակցական քաղաքականությանը նրա վերադարձի մասին՝ Թրամփի հետ հարաբերությունների սառեցման ժամանակահատվածից հետո։
Մասկը նախկինում քննադատում էր վարչակազմին և նույնիսկ հայտարարել էր սեփական քաղաքական ուժ ստեղծելու ծրագրերի մասին, սակայն նրա վերջին ֆինանսական ներդրումները ցույց են տալիս, որ նա հրաժարվել է մրցակից կուսակցության գաղափարից և կրկին հանրապետական ճամբարի խոշոր դոնոր է։
