Իսպանիայի կառավարությունը երեքշաբթի հաստատել է բարեփոխում, որը յուրաքանչյուր երեխայի խնամքի համար ծնողի արձակուրդը 16-ից կերկարաձգի մինչև 19 շաբաթ՝ ընտանիքի աջակցության և գենդերային հավասարության խթանմանն ուղղված քայլով, հաղորդում է Ֆրանսպրես գործակալությունը։
Ըստ Կառավարության հաստատած նոր կանոնների՝ յուրաքանչյուր ծնող իրավունք ունի 17 շաբաթ վճարովի, այլ անձին չփոխանցվող արձակուրդի իր երեխայի կյանքի առաջին տարվա ընթացքում, որից վեց ամիսը պետք է օգտագործվի ծնվելուց կամ որդեգրումից անմիջապես հետո։
Լրացուցիչ երկու շաբաթը կարող է ընդունվել ցանկացած պահի, մինչև երեխայի 8 տարեկանը լրանալը։ Միայնակ ծնող ունեցող ընտանիքները, որոնց մոտ 80 տոկոսը, Կառավարության տվյալներով, գլխավորում են կանայք, իրավունք կունենան 32 շաբաթ տևողությամբ վճարովի արձակուրդի։
Աշխատանքի նախարարությունը հայտարարել է, որ այս միջոցառումը նպատակ ունի ապահովել, որ զբաղվածությունը չլինի «խոչընդոտ ընտանիք կազմելու որոշման համար» և ևս մեկ քայլ է տղամարդկանց և կանանց՝ ծնողական պարտականությունները կիսելու ուղղությամբ։
«Իսպանիան շարժվում է դեպի ֆեմինիզմ և հավասարություն»,- մամուլի ասուլիսում հայտարարել է աշխատանքի նախարար Իոլանդա Դիասը, երբ կաբինետը հաստատել է միջոցառումը՝ հավելելով, որ «հետդարձի ճանապարհ չկա»։
Բարեփոխումը, որը, ինչպես վստահ է փոքրամասնության կոալիցիան, խորհրդարանը կընդունի, Իսպանիան կհամապատասխանեցնի Եվրամիության ծնողական արձակուրդի վերաբերյալ ղեկավար հրահանգին։
Կառավարությունը հայտարարել է, որ նախատեսում է ավելի հեռու գնալ՝ մինչև 2027 թվականի ընթացիկ օրենսդրական ժամկետի ավարտը յուրաքանչյուր ծնողի համար վճարովի ծնողական արձակուրդը հասցնելով 20 շաբաթվա։
