Միացյալ Նահանգները չորեքշաբթի պատժամիջոցներ է սահմանել Բրազիլիայի քաղաքացու՝ Ալեշանդրե դե Մորաեսի նկատմամբ, ասված է ԱՄՆ ֆինանսների նախարարության կայքում զետեղված հաղորդագրության մեջ։
Ըստ Reuters-ի՝ թեև ծանուցման մեջ լրացուցիչ մանրամասներ չեն տրամադրվել, պատժամիջոցները սամանվել են, երբ ԱՄՆ պետքարտուղար Մարկո Ռուբիոն հունիսին հայտարարել էր, որ Վաշինգտոնը քննարկում է Բրազիլիայի Գերագույն դատարանի դատավոր Ալեշանդրե դե Մորաեսի դեմ պատժամիջոցներ կիրառելու հարցը:
Մորաեսի դեմ պատժամիջոցներ են սահմանվել ըստ «Մագնիտսկու գլոբալ ակտի», որը ԱՄՆ նախագահին թույլ է տալիս տնտեսական պատժամիջոցներ կիրառել կոռուպցիայի կամ մարդու իրավունքների խախտումների համար դատապարտված օտարերկրացիների նկատմամբ։
ԱՄՆ նախագահ Դոնալդ Թրամփը Բրազիլիայի կառավարությանը բազմիցս մեղադրել է երկրի նախկին առաջնորդ Ժաիր Բոլսոնարոյի դեմ «վհուկորս» իրականացնելու մեջ, և որին մեղադրում են պետական հեղաշրջման փորձի մեջ։
Նա այս գործը որպես փաստարկ օգտագործեց բրազիլական ներմուծման վրա 50-տոկոսանոց մաքսատուրք սահմանելու համար։
Բրազիլիայի նախագահ Լուիս Ինասիո Լուլա դա Սիլվան վերջերս հայտարարել է, որ իր երկիրը պատրաստ է բանակցություններ վարել Միացյալ Նահանգների հետ, եթե իր ամերիկացի գործընկեր Դոնալդ Թրամփը, որը հայտարարել է, որ բրազիլական ապրանքների վրա 50-տոկոսանոց մաքսատուրք կսահմանի, նույնպես պատրաստ լինի դա անել։
Միևնույն ժամանակ, Բրազիլիայի նախագահը նշել է, որ «Թրամփը չի ցանկանում խոսել, հակառակ դեպքում կզանգահարեր իրեն»։
