Փետրվարից մինչև այսօր անհուսալի վարկեր ունեցող քաղաքացիներին աջակցելու ծրագրի շրջանակներում ստացվել է 15 հազար դիմում, ավելի քան 3600 քաղաքացի ճանաչվել է որպես շահառու։ Այս մասին օգոստոսի 1-ին լրագրողների հետ հանդիպման ժամանակ հայտարարեց Հայաստանի բանկերի միության ղեկավար Դանիել Ազատյանը։
Նա հավելեց, որ հատկացված աջակցության ծավալը կազմում է 135 միլիոն դրամ։
Նրա խոսքով, սկզբնապես մինչև 1 միլիոն դրամի չափով անհուսալի վարկերի ծավալը մինչև մեկ տարի ժամկետով կազմել է 180 միլիարդ դրամ (220 հազար մարդ)։
Ազատյանը բացատրեց, որ քաղաքացիները կարող են դիմումներ ներկայացնել տարվա ընթացքում՝ նշելով, որ իրենք աշխատանք ունեն և պատրաստ են իրենց աշխատավարձի 20%-ը հատկացնել պարտավորությունները մարելու համար։ Այս դեպքում գույքի բռնագանձում չի լինի, և բանկերը զիջումներ են անում տոկոսների և տույժերի առումով։
