Անկարան կիրակի օրը քննադատել է Իսրայելի կառավարության նախարարին՝ Արևելյան Երուսաղեմի Ալ-Աքսա համալիրի տարածքում հրեական աղոթք անցկացնելու համար, հայտնում է AFP-ն։
Հակասական քայլը կատարել է Իսրայելի ազգային անվտանգության ծայրահեղ աջ նախարար Իտամար Բեն-Գվիրը, որը կիրակի օրը հրապարակայնորեն հրեական աղոթք է անցկացրել մզկիթի տարածքում, որը իսլամի երրորդ սրբավայրն է և գտնվում է Տաճարի լեռան վրա՝ հուդայականության ամենասուրբ վայրում։
«Մենք խստորեն դատապարտում ենք իսրայելցի որոշ նախարարների կողմից իսրայելական ոստիկանության պաշտպանության ներքո և իսրայելցի վերաբնակիչների խմբերի ուղեկցությամբ Ալ-Աքսա մզկիթի վրա կատարված ներխուժումը», — ասվում է Թուրքիայի արտաքին գործերի նախարարության հայտարարության մեջ։ «Ալ-Աքսա մզկիթի անվտանգությունը և Երուսաղեմի սրբազան ինքնության պահպանումը ոչ միայն տարածաշրջանային գերակայություններ են, այլև գլխավոր պատասխանատվություն՝ մարդկության հավաքական գիտակցության անունից»։
Համալիրի տարածքում հրեական կրոնական ծեսերն արգելված են Իսրայելի և այս օբյեկտը կառավարող Հորդանանի միջև վաղուց կնքված համաձայնագրով։
Վերջին տարիներին այս համաձայնագիրը, որը հայտնի է որպես «ստատուս քվո», բազմիցս խախտվել է հրեա այցելուների, այդ թվում՝ Իսրայելի խորհրդարանի անդամների կողմից։
