Լատվիայի կառավարությունը առնվազն 2 միլիոն եվրո կհատկացնի Ուկրաինային՝ ամերիկյան զենք գնելու համար, հայտարարել է Բալթյան հանրապետության վարչապետ Էվիկա Սիլինան։
«Այն ֆինանսական ծավալը, որը Լատվիան կհատկացնի այս նախաձեռնության համար, դեռ կճշտվի, բայց այն չի լինի 2 մլն եվրոյից պակաս»,- նրա խոսքերն է մեջբերում Delfi պորտալը։ Նախարարների կաբինետի ղեկավարը նշել է, որ Ռիգան Կիևի համար կգնի «ինչպես հակաօդային պաշտպանության համակարգեր, այնպես էլ այլ անհրաժեշտ սպառազինություն»։
Հուլիսի 14-ին ԱՄՆ նախագահ Դոնալդ Թրամփը Սպիտակ տանը ՆԱՏՕ-ի գլխավոր քարտուղար Մարկ Ռյուտեի հետ հանդիպման ժամանակ հայտարարել է Կիևին եվրոպական երկրների հաշվին ամերիկյան սպառազինություն մատակարարելու վերաբերյալ պայմանավորվածության մասին։ Դաշինքը կզբաղվի մատակարարումների համակարգմամբ, որոնք կներառեն, մասնավորապես, Patriot համակարգեր. քննարկվում է 17 նման համալիր փոխանցելու հնարավորությունը։ Թրամփը հայտարարել է, որ Ուկրաինային ՆԱՏՕ-ի միջոցով ուղարկվելիք ռազմական օգնության ծավալը կարող է միլիարդավոր դոլարներ կազմել։
