Ուկրաինայի նախագահ Վոլոդիմիր Զելենսկին ասել է, որ Ուկրաինան հարվածներ է հասցնում Ռուսաստանի թիկունքային շրջաններին միայն իր սեփական հեռահար զենքով և որ ԱՄՆ-ի հետ նման հարցեր վաղուց չեն քննարկվում։
Նրա խոսքով՝ արգելքի մասին լրատվամիջոցների հաղորդումները իր համար նորություն են եղել, հայտնում է ՈւՆԻԱՆ-ը։
Ավելի վաղ Wall Street Journal-ը, հղում անելով անանուն աղբյուրներին, հայտնել է, որ ԱՄՆ պաշտպանության նոր վարչակազմը բարձր մակարդակի հաստատման ընթացակարգ է սահմանել Ուկրաինային մատակարարված հեռահար զենքերը Ռուսաստանի տարածքի խորքում գտնվող թիրախների դեմ կիրառելու համար։ Այս մասին գրում է BBC-ն՝ հավելելով, որ դա վերաբերում է ATACMS հրթիռներին, ինչպես նաև բրիտանա-ֆրանսիական Storm Shadow թևավոր հրթիռներին, քանի որ դրանք թիրախի ուղղորդման համար տվյալները ստանում են Միացյալ Նահանգներից:
