Իսրայելի օդային հարվածների և հրաձգության հետևանքով Գազա քաղաքում և նրա շրջակայքում զոհվել է առնվազն 30 մարդ, հայտնում է The Guardian-ը՝ հղում անելով տեղական առողջապահական մարմիններին։
Իշխանությունների տվյալներով, իսրայելական տանկերի և հրազենի կրակոցների հետևանքով զոհվել է 13 մարդ, որոնք փորձել են սնունդ ձեռք բերել բաշխման կետի մոտ՝ Գազայի հատվածում։ Երկու մարդ զոհվել է Գազա քաղաքի բնակելի տանը, իսկ ևս 15-ը, այդ թվում՝ հինգ երեխա, զոհվել են շաբաթ օրը բնակելի շենքի վրա իրականացված հարվածի հետևանքով։
Գազա քաղաքի ամենամեծ թաղամասերից մեկը՝ Շեյխ Ռադվանը, ենթարկվել է Իսրայելի տանկային և օդային հարվածների ողջ շաբաթ օրը, գիշերը և կիրակի առավոտյան, ինչի հետևանքով բազմաթիվ ընտանիքներ ստիպված են եղել փախչել, հայտնել են տեղի բնակիչները լրագրողներին։
Ականատեսների վկայությամբ, Իսրայելի զինված ուժերը կրակ են բացել մարդկանց բազմության վրա Նեցարիմի միջանցքում՝ Իսրայելի ռազմական գոտում, որը բաժանում է Գազայի հատվածը երկու մասի։
