ԱՄՆ նախագահ Դոնալդ Թրամփը լրագրողներին հայտարարել է, որ «Ռուսաստանի տնտեսությունն այժմ սարսափելի վիճակում է… այն փլուզվում է», հաղորդում է BBC News-ը։
«Ուկրաինան հսկայական աշխատանք է կատարում այս ակնհայտ մեծ բանակի դեմն առնելու համար։ Դա բավականին զարմանալի է»,- ասել է նա։
Ըստ ԱՄՆ նախագահի՝ սա պատերազմ է (Ռուսաստանի և Ուկրաինայի միջև – խմբ.), որը «պետք է ավարտվեր երեք օրից, մարդիկ ասում էին, որ այն շատ արագ կլինի, բայց պետք է արժանին մատուցել ուկրաինացի զինվորներին և բոլոր նրանց, ովքեր մասնակցում են այդ պատերազմին»։
«Ռուսաստանն այդքան էլ աչքի ընկնող տեսք չունի։ Պահանջվել է երեքուկես տարի շատ ծանր պայքար, և թվում է, թե այն դեռ երկար ժամանակ չի ավարտվելու», — հավելել է նա։
