2018 թվականի «թավշյա հեղափոխությունից» հետո իշխանությունները նույնիսկ չեն փորձել կեղծել Հայաստանում ընտրությունների արդյունքները։ Այս մասին սեպտեմբերի 30-ին ԵԽԽՎ աշնանային նստաշրջանի իր ելույթում հայտարարել է Հայաստանի վարչապետ Նիկոլ Փաշինյանը։
Նա հիշեցրել է, որ այս ընթացքում Հայաստանում տեղի են ունեցել երկու խորհրդարանական քարոզարշավ և տեղական ինքնակառավարման մարմինների ընտրություններ։ Փաշինյանը հավելել է, որ 2018 և 2021 թվականների խորհրդարանական ընտրությունները միջազգային հանրության կողմից գնահատվել են որպես ազատ և մրցակցային ժողովրդավարության չափանիշներին համապատասխանող, ինչը աննախադեպ է պատմության մեջ։
Նրա խոսքով՝ տեղական ընտրությունների արդյունքների հետ կապված ոչ մի բողոք չի եղել։ «Ընդդիմադիր կուսակցությունները հաղթել են մի շարք համայնքներում, ինչը անցյալում անհնար է եղել։ 2018 թվականի հեղափոխությունից հետո հետընտրական գործընթացների գաղափարը վերացել է Հայաստանի քաղաքական կյանքից, մինչդեռ մինչև 2018 թվականի «թավշյա հեղափոխությունը» դա ամենահաճախ օգտագործվող տերմիններից մեկն է եղել։ Մարդիկ ընտրական գործընթացներից հետո փոփոխությունների հույս են ունեցել, քանի որ գիտեին, որ իշխանությունները կեղծելու են ընտրությունների արդյունքները», — պարզաբանել է ՀՀ կառավարության ղեկավարը։
Նա վստահեցրել է, որ այդպես եղել է գրեթե բոլոր ընտրություններում, որոնք տեղի են ունեցել մինչև 2018 թվականը, բայց դա արդեն պատմություն է և ինչպես ասում են, բավականին հին, սակայն դա չի նշանակում, որ Հայաստանում ընտրական ժողովրդավարությունը խնդիրներ չունի։ Նրա համոզմամբ, Հայաստանում որոշ ուժերի կողմից շարունակում է կիրառվել ընտրողներին կաշառելու պրակտիկան։
«Մյուս կողմից, նման մեխանիզմների իրականացումը կարող է մեկնաբանվել որպես ընտրությունները վերահսկելի դարձնելու փորձ։ Միևնույն ժամանակ, ընտրական կաշառքների միջոցով մանդատ ստացած անձանց առկայությունը խորհրդարանում ընկալվում է որպես ժողովրդավարության պաշտպանության բացակայություն, երբ ժողովրդավարության գործիքներն օգտագործվում են ժողովրդավարության դեմ փողի շահագործման համար», — ընդգծել է Նիկոլ Փաշինյանը։
Նրա խոսքով՝ դրան ավելանում է ապատեղեկատվությունը։ Վարչապետն ընդգծել է, որ Հայաստանի դեպքում սա էլ ավելի խնդրահարույց է, քանի որ մեդիա ռեսուրսների մեծ մասը գտնվում է 2018 թվականի հեղափոխության արդյունքում իշխանությունից հեռացված ուժերի վերահսկողության տակ, որոնք ներկայումս գործում են որպես ընդդիմություն և որը իր ապօրինի կուտակած հարստության մի մասը ծախսում է ապատեղեկատվության տարածման վրա, որպեսզի փրկի այն ապօրինի ձեռք բերված գույքի բռնագրավման գործընթացից։
«Շատ դեպքերում նրանք աջակցություն են ստանում օտարերկրյա երկրների համախոհներից։ Այս ապատեղեկատվական արշավի դեմ գործնական միջոցներ ձեռնարկելը կարող է մեկնաբանվել որպես խոսքի ազատությունը սահմանափակելու փորձ, իսկ անգործությունը դիտվում է որպես թուլություն և ժողովրդավարության պաշտպանության բացակայություն, ինտերնետում խոսքի ազատությունը օգտագործվում է ժողովրդավարության դեմ», — դժգոհել է Փաշինյանը։
«Թավշյա հեղափոխության» առաջնորդի խոսքով՝ ժողովրդավարության վրա հիբրիդային հարձակումները առանցքային մարտահրավեր են դառնում ժողովրդավարական երկրների համար և նման իրավիճակներում Հայաստանի վարքագիծը հիմնված է ժողովրդավարությանը վնաս չհասցնելու սկզբունքի վրա, հասկանալով, որ շատ քաղաքացիներ դա գնահատում են որպես թուլություն կամ անգործություն։
«Հիբրիդային հարձակումները և դրանց դեմ պայքարի արդյունավետ միջոցների բացակայությունը վարկաբեկում են ժողովրդավարությունը, բայց մինչ օրս կոնկրետ լուծումներ չկան յուրաքանչյուր երկրի համար և Եվրոպայի Խորհուրդը և ԵԽԽՎ-ն հենց այն ինստիտուտներն են, որտեղ մենք պետք է քննարկենք այս հարցը։ Եկեք հասկանանք, թե ինչ կարող ենք անել և հասկանանք, թե ինչպես կարող ենք էլ ավելի ամրապնդել ժողովրդավարությունը», — կոչ է արել Նիկոլ Փաշինյանը։
Նա կարծում է, որ այս հարցում Հայաստանը պետք է գործի համատեղ համաշխարհային ժողովրդավարական հանրության հետ, վստահեցնելով, որ ժողովրդավարությունը չափազանց արժեքավոր և կարևոր է իշխանությունների համար, որոնք չեն կարող նմանվել նրանց, ովքեր ժողովրդավարության գործիքներն օգտագործում են դրան վնաս հասցնելու համար։
Վարչապետը նշեց, որ շատ ավելի վտանգավոր է վնասել ժողովրդավարությանը դրա պաշտպանության կարգախոսի ներքո։
