Նախ՝ այդ դրոշը «Դաշնակցությունը» չի այրում, որ մեր հայացքներում ինչ-որ բան փոխված լինի կամ չլինի, Ծիծեռնակաբերդի հուշահամալիրում լրագրողների հետ զրույցում հայտարարել է ՀՅԴ Գերագույն մարմնի անդամ, «Հայաստան» խմբակցության պատգամավոր Իշխան Սաղաթելյանը:
Այսպես նա պատասխանել է այն հարցին, թե արդյոք Հանրապետության հրապարակում Թուրքիայի դրոշի հետ միասին Ադրբեջանի դրոշը չայրելը (ինչն արվել էր անցյալ տարի) կապված է ՀՅԴ դիրքորոշման փոփոխության հետ:
Ըստ քաղաքական գործչի՝ նման որոշում ընդունել է երիտասարդությունը:
«Մի տարի կայրեն (Ադրբեջանի դրոշը — խմբ.), մի տարի՝ ոչ: Դա մեր ընդհանուր վերաբերմունքն է»,- ասել է Սաղաթելյանը:
Պատգամավորը նման հարցեր բարձրացնող անձանց խորհուրդ է տվել իրենց կարծիքն իրենց պահել:
«Երևի շատ քիչ ուժեր կան, որոնց քաղաքական հայացքներում և դիրքորոշումներում ոչինչ չի փոխվում»,- ասել է քաղաքական գործիչը:
