Քաղաքական դաշտում հերթական լարվածությունն է առաջացել այն բանից հետո, երբ վարչապետ Նիկոլ Փաշինյանը հրապարակային ելույթի ընթացքում կոշտ արտահայտություններ է հնչեցրել ընդդիմադիր շրջանակների հասցեին՝ նրանց անվանելով «ծաղրածուներ»։ «Խաղաղություն և Արդարություն» հասարակական կազմակերպության ղեկավար Կարեն Խաչատրյանը հայտարարությամբ արձագանքել է վարչապետի խոսքերին՝ նշելով, որ նման արտահայտությունները անհարիր են պետական պաշտոն զբաղեցնող անձին և նա այդ քայլով ապացուցում է իր անադեկվատ լինելը։ Կազմակերպության անդամների խոսքով՝ իրենց գործունեությունը հիմնված է խաղաղ քաղաքական պայքարի, ազատ արտահայտման և ժողովրդավարական սկզբունքների վրա, իսկ ընդդիմադիր քաղաքացիների հասցեին վիրավորական բնույթի հայտարարությունները չեն նպաստում առողջ քաղաքական բանավեճին։
Հիշեցնենք, որ այս կազմակերպությունը համարվում է ընդդիմադիր ուղղվածություն ունեցող հասարակական միավորում, որը բացահայտ աջակցություն է ցուցաբերել իշխանություններին ընդդիմացող քաղաքական ուժերին և ակտիվ մասնակցություն ունեցել հակակառավարական շարժումներին։ «Խաղաղություն և Արդարություն» ՀԿ-ի ներկայացուցիչները բազմիցս հանդես են եկել գործող իշխանությունների, մասնավորապես՝ «Քաղաքացիական պայմանագիր» կուսակցության քաղաքականության դեմ քննադատական հայտարարություններով՝ նրանց մեղադրելով ազգային և պետական շահերին վնաս հասցնելու մեջ։
Աղբյուր՝ Aysor.news © 2022 Բոլոր իրավունքները պաշտպանված են
