ԱՄՆ-ում իր քաղաքական և հասարակական ակտիվությունը շարունակող Արմինե Դավթյանը նոր բանաստեղծություն է հրապարակել՝ նվիրված Արցախից տեղահանված հայերին։
Ստեղծագործության մեջ Դավթյանը հիշատակում է պատերազմի զոհերին և ներկայացնում իր խիստ քննադատական վերաբերմունքը Նիկոլ Փաշինյանի վարած քաղաքականության նկատմամբ՝ Արցախի կորստի և արցախահայության տեղահանման քաղաքական պատասխանատվությունը կապելով գործող իշխանությունների որոշումների հետ։
«Ո՞ւմ մնաց Արցախը»
Հազար տղա գնաց՝ տուն բերելու գարուն,
Հազար մայր մնաց լուռ՝ լուսանկարն իր գրկում։
Արյունով պահած հողը դատարկվեց մի օր,
Ու գաղթական դարձավ իր տան տերը նորից։
Արցախ, քո ճանապարհին մանկան լացն էր մնում,
Տան փակ դռան հետևում մի ամբողջ կյանք էր քնում։
Իսկ Երևանում խոսում էին խաղաղության գնից,
Երբ ժողովուրդ էր պոկվում իր պապերի հողից։
Փաշինյա՛ն, պատմությունը մի օր հարց է տալու՝
Ո՞ւր մնաց այն հողը, որի համար տղաներն ընկան։
Հողը քարտեզի վրա պարզապես սահման չէր,
Այն հազարավոր զոհերի տունն ու հիշողությունն էր։
Արմինե Դավթյան
