Իսպանական «Բարսելոնայի» հարձակվող Լիոնել Մեսին հռչակվեց 2015 թվականի լավագույն ֆուտբոլիստ: Այդպիսով, Արգենտինայի հավաքականի ավագը դարձավ առաջին ֆուտբոլիստը, որը 5 անգամ արժանացավ «Ոսկե գնդակ» մրցանակին: Նա վաստակած միավորներով առաջ անցավ իր թիմակից, բրազիլացի հարձակվող Նեյմարին, ինչպես նաեւ վերջին երկու տարիների դափնեկիր, Մադրիդի «Ռեալի» պորտուգալացի հարձակվող Քրիշտիանու Ռոնալդուին: Նշենք, որ Լիոնել Մեսին անցած տարի «Բարսելոնայի» կազմում նվաճել է հինգ տիտղոս, թիմի եւ հավաքականի կազմում ընդհանուր առմամբ անցկացրել է 61 խաղ, որոնցում դարձել է 52 գոլի հեղինակ: