Նյու Յորքի նախկին քաղաքապետ Մայքլ Բլումբերգը, որը համանուն տեղեկատվական գործակալության սեփականատերն է, «կոնկրետ քայլեր է ձեռնարկել» ԱՄՆ նախագահական մրցարշավին անկախ թեկնածուի կարգավիճակում իր հնարավոր մասնակցության նախապատրաստության համար: Այդ մասին տեղեկացնում է New York Times թերթը:
Նրա տվյալներով, 73-ամյա միլիարդատերը պատրաստ է նախընտրական պայքարի համար ծախսել 1 մլրդ-ից ոչ պակաս: Առայժմ որոշում չի ընդունվել: Բլումբերգն իրեն ժամանակ է տվել մինչեւ մարտի վերջ այս հարցի վերաբերյալ վերջնական որոշում կայացնելու համար, տեղեկացնում է ՏԱՍՍ-ը:
2016-ի ԱՄՆ-ի նախագահական մրցապայքարին ավելի քան երկու տասնյակ մարդ է մասնակցում: Դեմոկրատների շրջանում անվիճելի առաջատար է ԱՄՆ-ի նախկին պետքարտուղար Հիլարի Քլինթոնը: Հանրապետական կուսակցության ճամբարում առաջատարը Դոնալդ Թրամփն է: