Երեկ երեկոյան Քանաքեռ-Զեյթուն վարչական շրջանի Ռուբինյանց նրբանցքի վրա գտնվող «Դրուժբա» հյուրանոցային համալիրի համարներից մեկում հայտնաբերվել էր ՌԴ զորամասերից մեկում շտաբի պետի տեղակալի պաշտոնը զբաղեցնող, մայոր, 45-ամյա Վիկտոր Եմելյանովի դին: Այս կապակցությամբ Հարավային ռազմական օկրուգի մամլո ծառայությունը տարածել է հաղորդագրություն, որում գրված է. «2017 թվականի հունվարի 1-ին Երևան քաղաքում, հանրակացարանում՝ իր բնակության վայրում հայտնաբերվել է ՌԴ ռազմաօդային բազայի սպայի անկենդան մարմինը: Մարմնի զննությամբ բռնության հետքեր չեն հայտնաբերվել: Ըստ նախնական տվյալների, զինծառայողի մահվան պատճառը կարող է լինել սուր սրտային անբավարարությունը: »: