Այսօր կայացան ֆուտբոլի Հայաստանի բարձրագույն խմբի առաջնության 18-րդ տուրի վերջին երկու հանդիպումները: Մրցաշարի միանձնյա առաջատար Գյումրիի «Շիրակը» հյուրընկալվելիս 1:0 հաշվով հաղթեց Երեւանի «Արարատին»: Հյուրերի կազմում միակ գոլը խփեց 17-ամյա Վահան Բիչախչյանը, չնայած ձմեռային արձակուրդի ժամանակ թիմը պայմանագիր է կնքել 7 նոր լեգեոնականների հետ: Կապանի «Գանձասար-Կապանը» Երեւանի «Փյունիկին» ընդունեց Ավանի ֆուտբոլի ակադեմիայի մարզադաշտում, որտեղ իրենց տնային խաղերն են անցկացնում հենց … փյունիկցիները: Ավաղ, սեփական պատերն այս անգամ չօգնեցին եւ կապանցի ֆուտբոլիստները հաղթեցին 2:0 հաշվով: Այդպիսով, առաջնության գարնանային հատվածի առաջին խաղերից հետո մրցաշարային աղյուսակը 37 միավորով շարունակում է գլխավորել «Շիրակը»: Նրան հաջորդում են «Ալաշկերտն» (33 միավոր) ու «Գանձասար-Կապանը» (30): Հաջորդ տուրում տեղի կունենա առաջնության կենտրոնական խաղերից մեկը: «Ալաշկերտն» իր հարկի տակ կընդունի «Շիրակին»: Խաղը կկայանա մարտի 12-ին, «Նաիրի» մարզադաշտում: