Մարտի 5-ին՝ Սպարապետ Վազգեն Սարգսյանի ծննդյան օրը, պաշտպանության նախարար Վիգեն Սարգսյանը, պետական պաշտոնյաներ, ԱԺ պատգամավորներ, բարձրաստիճան զինվորականներ և «Երկրապահ կամավորների միության» անդամներ այցելել են «Եռաբլուր» զինվորական պանթեոն, հարգանքի տուրք մատուցել Սպարապետի հիշատակին: Մարտի 5-ին ՀՀ պաշտպանության նախարարը եղել է նաև Վազգեն Սարգսյանի ծննդավայրում՝ Արարատում, տեսակցել և տարեդարձի կապակցությամբ շնորհավորել է Սպարապետի ծնողներին: