Ռուսաստանը շարունակելու է Արցախի հակամարտության կարգավորման երկուստեք ընդունելի ուղիներ փնտրել: Հաղորդում է ՏԱՍՍ-ը՝ փոխանցելով ՌԴ արտգործնախարար Սերգեյ Լավրովի խոսքը՝ Ադրբեջանի արտգործնախարար Էլմար Մամեդյարովի հետ բանակցություններից հետո: Ըստ Լավրովի՝ կան մի քանի առանցքային հարցեր, որոնց շուրջ քննարկումները դեռ ընթացքի մեջ են, իսկ բովանդակային քննարկումներին խանգարում է վերջին էսկալացիան շփման գծում: Մամեդյարովն էլ նշել է, որ Ռուսաստանը լուրջ ջանքեր է գործադրում հակամարտության կարգավորման համար, և ինչ-որ հեռանկար տեսանելի է: