Գրոսմայստեր Լեւոն Արոնյանը հաղթող ճանաչվեց Ջիբրալթարում կայացած Մասթերս խոշոր մրցաշարում: Մեր շախմատիստը եւ ֆրանսիացի Մաքսիմ Վաշյե-Լագրավը հաղթահարելով թայ-բրեյքի կիսաեզրափակիչ արգելքը, մտան եզրափակիչ, որտեղ եւ վիճարկեցին գլխավոր մրցանակն ու 25 հազար ֆունտ սթեռլինգ պարգեւավճարը:
Արագ շախմատի մրցամարտի առաջին երեք պարտիաներում գրանցվեցին ոչ-ոքի արդյունքներ, իսկ ահա չորրորդն ավարտվեց Լեւոն Արոնյանի առավելությամբ, որն էլ երկրորդ անգամ հաղթեց Ջիբրալթարի մրցաշարում (առաջինը՝ 2005 թվականին):
Մրցաշարին մասնակցած մեր մյուս ներկայացուցիչը՝ կանանց գրոսմայստեր Լիլիթ Մկրտչյանը, 5,5 միավորով գրավեց 98-րդ տեղը:
Շախմատիստուհիների մեջ նա ցույց տվեց 11-րդ արդյունքը, որի համար կպարգեւատրվի 1100 ֆունտ ստեռլինգով: