Ուղիղ. «Արսենալ» — «Սաութհեմփթոն». Հենրիխ Մխիթարյանի բացակայությամբ

Ֆուտբոլի Անգլիայի Պրեմիեր լիգայի 33-րդ տուրի շրջանակում Լոնդոնի «Արսենալը», որի կազմում հանդես է գալիս Հայաստանի հավաքականի ավագ Հենրիխ Մխիթարյանը, իր հարկի տակ այսօր կընդունի «Սաութհեմփթոնին»: Լոնդոնցիները ներկայումս 51 միավորով զբաղեցնում են 6-րդ տեղը, իսկ հյուրերը 28-ով գտնվում են վտանգավոր 18-րդ հորիզոնականում: Թիմերն արդեն ներկայացրել են հանդիպման հայտերը: Հենրիխ Մխիթարյանը բացակայում է «Արսենալի» հայտացուցակում, քանի որ անցած հինգշաբթի Եվրոպայի լիգայի ԲԿՄԱ-ի հետ խաղում նա ծնկի վնասվածք է ստացել եւ անորոշ ժամանակով շարքից դուրս է եկել:    «Արսենալ» — «Սաութհեմփթոն» հանդիպումը կմեկնարկի ժամը 17:15-ին: Անգլիական առաջնության երկրպագուներն այն կարող են ուղիղ եթերով դիտել նաեւ մեր կայքէջում: